9. новембра 2010 на Урядї влады Словеньской републікы в Братїславі была стріча підпредседы влады СР про людьскы права і народностны меншыны Рудолфа Хмела з представителями народностных меншын. Главнов темов неформалной робочой стрічі было высвітлїня і обговорїня пропозіції новелы Закона о поужываню языків народностных меншын у СР. На тій стрічі були і представителї Русинів: председа Русиньской оброды на Словенську (РОС) Владимір Противняк, председа Реґіоналного клубу РОС у Бардеёві Іван Бандуріч і председа орґанізації молоды.Русины Михал Штефаняк, якы мали можность высловити свій погляд і претензії ку тій пропозіції новелізації даного закона.