6. новембра 2010 Містна орґанізація в Снинї Русиньской оброды на Словеньску приправила акцію День Русинів під Вігорлатом, у рамках котрой была преглядка деревяных церьковлей у Тополї, Уліч Кривім і єдного з найвекшых дзвонів у середнїй Европі в селї Стащіньска Розтока, iнакше богатства архітектуры Русинів у минулости. То было дообіду, пообідї про участньків акції быв прирыхтованый красный културный проґрам.