Počasie
• • •
Internetové noviny
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Новинкы • Noviny • News 45/2010
Можете выграти дві вступенкы
18. новембра 2010 в ПКО Чорнім орлї в Пряшові буде юбілейный концерт популарной співачкы русиньскых народных співанок, котра нас радує з професіоналной сцены уж выше 50 років. О кім є реч, но, предсі, о Марьцї МАЧОШКОВІЙ, яка ся теперь представить зо своїма гостями. А є ту можность легко выграти 2 вступенкы на тот концерт: стачіть, кідь першы зателефонуєте на чісло 0905 470 884 і правилно одповісте на 2 просты вопросы: коли і де ся народила М. Мачошкова? Інакше на концерт М. Мачошковой, котрый орґанізує Здружіня Русинів Словеньска, позываме вшыткых.День Русинів під Вігорлатом
6. новембра 2010 Містна орґанізація в Снинї Русиньской оброды на Словеньску приправила акцію День Русинів під Вігорлатом, у рамках котрой была преглядка деревяных церьковлей у Тополї, Уліч Кривім і єдного з найвекшых дзвонів у середнїй Европі в селї Стащіньска Розтока, iнакше богатства архітектуры Русинів у минулости. То было дообіду, пообідї про участньків акції быв прирыхтованый красный културный проґрам.10. семінарь карпаторусиністікы
27. октобра 2010 на Пряшівскій універзітї в Пряшові ся одбыв 10. Науный семінарь карпаторусиністікы, котрый кажду третю середу в місяцю уж другый академічный рік орґанізує Інштітут русиньского языка і културы ПУ. Тема того семінаря была: Войводиньскы Русины і їх варіант русиньского списовного языка. Уж сама назва наповіла, же выступаючім буде наісто чоловік, котрый є шпеціалістом на язык войводиньскых Русинів. Tым чоловіком не быв нихто іншый як проф. Др. Михайло Фейса з Катедры русиністікы Філозофічной факулты Універзіты в Новім Садї (Сербія).