18. новембра 2010 од 19.00 год. у ПКО Чорнім орлї в Пряшові буде юбілейный концерт популарной співачкы русиньскых народных співанок, котра нас радує з професіоналной сцены уж выше 50 років. О кім є реч, но, предсі, о Марьцї МАЧОШКОВІЙ, яка ся теперь представить зо своїма гостями: Я. Амброзом, А. Порачовов, К. Росіновов, Іветов, Іванов і Мартінов Світковыма, Й. Андращіком, сестрами Єнчовыма, Ґ. Мартоновов, ПУЛЬС-ом і бывшыма членками ПУЛЬС-у. А є ту можность легко выграти 2 вступенкы на тот концерт: стачіть кідь першы зателефонуєте на чісло 0905 470 884 і правилно одповісте на 2 просты вопросы: коли і де ся народила М. Мачошкова? Інакше на концерт М. Мачошковой, котрый орґанізує Здружіня Русинів Словеньска, позываме вшыткых.