15. мая 2010 пройшов 9. річник міджінародной стрічі під назвов День приятельства – День добросусїдства, котра проходила в гранічнім просторї Убля – Малый Березный.
Позваня на тоту подію прияв председа Пряшівского самосправного края, Петер Худік, председа Кошицького самосправного края, Еміл Дюровчік, бывшый презідент СР, Рудолф Шустер, вельвысланець СР на Українї, Павол Гамжік, председа Закарпатьской областной штатной адміністратівы Олександр Ледїда і председа Закарпатьской областной рады Михайло Кічковский. У рамках той міджінародной стрічі пртедставителї словеньскых і україньскых реґіонів підписали два офіціалны документы. Підписаный быв проґрам сполочных акції Пряшівского самосправного края і Закарпатьской штатной аміністратівы на рік 2010. Подобный документ о сполупрацї з україньсков сторонов підписали і представителї Кошіцького самосправного края.
По выступах вызнамных гостїв быв красный културный проґрам, у рамках якого выступили і Русины з того пригранічного реґіону Словеньска – тріо Зарічанка зо Стакчіна і фоклорна ґрупа Ублянка з Ублї.