Новинкы • Noviny • News 21/2010

• 9. семінарь карпаторусиністікы

  26. мая 2010 у засїдалнї Ректорату Пряшівской універзіты в Пряшові быв 9. научный семінарь карпаторусиністікы, на якім із лекціов „Русский“ дом в Пряшові: 85-річна традіція і сучасность выступив председа Русиньского културно-освітного общества А. Духновіча в Пряшові – Мґр. Гавриіл Бескид. Семінарь приправив Інштітут русиньского языка і културы ПУ в Пряшові.

• Моя най книга пастелками

  23. мая – 30. юна 2010 буде проходити акція, в рамках якой дїти чітають облюбены книжкы і рисують, малюють фіґуркы і пригоды. До 30 юна посылають або доручать особно свої образкы до Вігорлатьской книжніцї в Гуменнім або пошлють на адресу СТВ у Братїславі.

• День приятельства

  15. мая 2010 пройшов 9. річник міджінародной стрічі під назвов День приятельства – День добросусїдства, котра проходила в гранічнім просторї Убля – Малый Березный.

• Kонференція о Пряшівскім соборї

  27. – 28. апріля 2010 к 60. роковинам Пряшівского собору ся одбыла у Пряшові міджінародна научна конференція під назвов Церьков в оковах тоталітного режіму. Міджі орґанізаторами конференції были тыж: Устав памяти народа в Братїславі і Інштітут памяти народа в Кракові.