23. мая – 30. юна 2010 буде проходити акція, в рамках якой дїти чітають облюбены книжкы і рисують, малюють фіґуркы і пригоды. До 30 юна посылають або доручать особно свої образкы до Вігорлатьской книжніцї в Гуменнім або пошлють на адресу СТВ у Братїславі.
На задню сдторінку треба написати мено, адресу, вік дїтини, ОШ, де ходить, припадно мейлову адресу, або телефонічный контакт на родічів, інформацію з якой книжкы є образок. 30. юла 2010 одборна ґрупа кураторів выбере 50 найлїпшых рисунків і малюнків, котры будуть оцінены книжками од выдавательства Ікар. Потім образкы будуть выставлены в просторах у Кошіцях, де буде 15. септембра проходити велика дражба тых 50 найлїпшых робот за участи СТВ. Гроші за выдражены образкы будуть переданы ОЗ Червеный нїс, котре роздїлить фінанції на куплїня книжок і помочок до выбраных шпыталїв про дїтьскых онколоґічных пацьентів. Контакт: ПаедДр. Даніела Капралёва, моб: 0905 788 513, vihorlatska.kniznica@stonline.sk