27. новембра 2010 было праві 15 років од реґістрастрації Здружіня інтеліґенції Русинів Словеньска (ЗІРС) на Міністерстві внутра СР, котре взникло на поміч Русиньскій обродї на Словеньску, але главно єй Містьскій орґанізації в Братїславі. Але почас тых 15 років ся тото общество выпрацовало на самостатну орґанізацію з богатым проґрамом: од концертів фоклору, через орґанізованя одборных семінарїв і дізкусных вечорїв, презентацію документарных філмів о Русинах аж по продукцію двох властных філмів. Од року 2005 ЗІРС є і выдавателём інтернетовых новинок. На челї той орґанізації цілї тоты рокы стоять двоє главны особы – доц. МУДр. Михал Штенё, к. н. (председа) і Інж. Ян Липиньскый (підпредседа).
Треба іщі додати, же тота орґанізація є колектівным членом Русиньской оброды на Словеньску і тїсно сполупрацує з орґанізаціов молоды.Русины.