16. юна 2010 у засїдалнї СНМ – Музею русиньской културы в Пряшові одбыла ся громада членів Сполку русиньскых писателїв Словеньска, яку вів єй председа, ПгДр. Миколай Ксеняк із Ружомберку. М. Ксеняк ся вздав своёй функції про здравотны поричіны і так на кінци громады были вольбы нового выбору і председы. У зложіню нового выбору є ПгДр. Кветослава Копорова (председкыня), Мґр. Алена Блыхова, ПгДр. Марія Мальцовска, Осиф Кудзей і ПаедДр. Франтїшек Данцак.
Ґратулуєме новому выбору і єй председкынї і желаме їм много успіхів в їх будучім хосеннім діятельстві на благо далшого розвику русиньского списовного языка і русиньской літературы на Словеньску.