Новинкы • Noviny • News 25/2010

• 11. річник Духновічового Пряшова

  18. юна 2010 на великій сценї Театру Александра Духновіча в Пряшові быв 11. річник конкурзу з міджінароднов участёв у декламації поезії, прозы, властной творчости, народного і біблічного росподіданя і малых сценїчных форм у русиньскім языку – Духновічів Пряшів.

• Премія А. Павловіча – Осифови Кудзеёви

  16. юна 2010 в будові Літературного фонду в Братїславі было передаваня премій і цін Літературного фонду, міджі нима і Премії Александра за русиньску літературу, яку того року дістав нам вшыткым добре знамый писатель Осиф Кудзей із Няґова.

• К. Копорова – нова председкыня СРПС

  16. юна 2010 у засїдалнї СНМ – Музею русиньской културы в Пряшові одбыла ся громада членів Сполку русиньскых писателїв Словеньска, яку вів єй председа, ПгДр. Миколай Ксеняк із Ружомберку.

• Інтересна міджінародна выставка

  16. юна 2010 в Закарпатьскій областнім умелецькім музею в Ужгородї (Україна) была вернісаж выставкы школярьскых робот міджінародной вытварной сутяжі під назвов Познаш Ендія.

• Стріча в окресній централї МОСТ-HÍD у Пряшові

  15. юна 2010 в oкресній централї MOСT-HÍD была стріча окресного председы той політічной партії в Пряшові, молодого Русина – Mґр. Пeтра Крайняка з членами і сімпатізантами партії.

• 1. тыждень лїтнёй школы ...

  ... русиньского языка і културы од 14. до 20. юна 2010 на Пряшівскій універзітї в Пряшові пройшов успішно. То є оцінка єй штудентів зо Словеньска і іншых країн, главно зо Споєных штатів америцькых, лекторів і орґанізаторїв (Інштітут русиньского языка і културы ПУ в Пряшові у сполупрацї зо Словеньсков асоціаціов русиньскых орґанізація і Карпаторусиньскым научным центром в США).