16. юна 2010 в будові Літературного фонду в Братїславі было передаваня премій і цін Літературного фонду, міджі нима і Премії Александра за русиньску літературу, яку того року дістав нам вшыткым добре знамый писатель Осиф Кудзей із Няґова. Премію дістав за два зборникы баёк – Байкы-забавляйкы (2008) і Байкаровы думы (2009), за што дістав узнаня і плакету тыж выдаватель тых книжок – Русин і Народены новинкы.
А же трорчость Осифа Кудзея є оцїнёвана нелем кртіками, але і чітателя, і декламаторами, то ся потвердило 18. юна 2010 на великій сценї Театру Александра Духновіча в Пряшові на 11. річнику цілословеньского конкурзу з міджінароднов участёв у декламації поезії, прозы, властной творчости, народного і біблічного росподіданя і малых сценїчных форм у русиньскім языку – Духновічів Пряшів. Ту коло 60 процент декламаторів выблало про своє выступлїня праві творы О. Кудзея, также не было дивне, же тот автор тайным голосованём декламарів став ся першым найпопуларнїшым русиньскым писателём на Словеньску. А тото оцїнїня го найвеце порадовало, як повів на сценї русиньского театру.