На тогорічній творивій дорозї к літературному майстровству ся до конкурзу Літературны таленты 2009 в Гуменнім запоїло 408 непрофесіоналных авторів із 478 роботами з окресів Гуменне, Снина і Міджілабірцї. Можеме з потїшінём конштатовати, же їх было дашто веце як минулого року.

В молодшых катеґоріях конкурзу взяло участь 24 школ із споминаных реґіонів. Змагали ся в поезії і в прозї. Кажда область была заступлена штирьма катеґоріями, а то од найменшых школярїв аж по дорослых. Оцінёваны роботы были в словацькім, русиньскім, україньскім і ромскім языках. Русиньскых авторів оцінёвав Мґр. Штефан Сухый, словацькых – Мґр. Маркета Андрічікова і ПгДр. Маріан Андрічік, україньскых – ПгДр. Ілько Ґалайда, к. н., ромскы – Інж. Мірослав Ціна.

Порота довєдна придїлила 75 цін і честных узнань. Оцінёвало ся прісно, о чім свідчів факт, же в старшых катеґоріях было придїленых немного цін. Інтеґралнов частёв конкурзу літературных робот быв културный проґрам і аналітічный семінарь. Планує ся выдати зборник Літературны таленты 2009 з ілустраціями Любіцї Ганаковой і єй штудентів.

Оцінїня 29. річника Літературных талентів ся одбыло 17. юна 2009. Вігорлатьска бібліотека в Гуменнім дякує приятелям бібліотекы за поміч, місту Гуменне і спозором за підпору, і вшыткым змагаючім ся за участь у конкурзї. Желаєме літературным творцям вірну приятельку музу і много дякы до писаня.



Оцінїня Літературных талентів 2009 в русиньскім языку:
Поезія
1. катеґорія:
1. Петра Рогачова, ОШ у Стащінї
2. Ванеса Васькова, ОШ у Стащінї
3. Никола Телеганічова, ОШ у Стащінї
Честне узнаня Яна Петроваёва, ОШ у Кленовій

2. катеґорія:
1. Алена Ґрундзова, ОШ у Стащінї
2. Марія Плевкова, ОШ у Стащінї
3. Міхаела Бардзакова, ОШ у Стащінї
Честне узнаня Анна Коцова, ОШ у Стащінї

3. катеґорія:
1. місто не было придїлене
2. Зузана Лібакова, Ґімназія у Міджілабірцях
3. місто не было придїлене

4. катеґорія:
1. Осиф Кудзей, Няґів
2. Даніела Капралёва, Гуменне
3. Інж. Петро Ялч, Міджілабірцї

Проза
1. катеґорія
1. Петра Рогачова, ОШ у Стащінї
2. Крістіна Пелёва, ОШ у Стащінї
3. Клаудія Матікова, ОШ у Стащінї

2. катеґорія
1. Петрик Пітель, ОШ у Стащінї
2. місто не было придїлене
3. місто не было придїлене

3. і 4. катеґорія не мала своїх представителїв.