25. марца 2010 у засїдалнї деканату Філозофічной факулты Універзіты Коменьского в Братїславі одбыла ся габілітація ПгДр. Анны Плїшковой, ПгД. з Інштітуту русиньского языка і културы Пряшівской універзіты в Пряшові. Др. А. Плїшкова ся габілітовала перед ученов радов той факулты, кідь в першій части мала лекцію Сучасный став русиньского языка на Словеньску, в другій части представила свою моноґрафію Language and National Identity: Rusyns South of Carpathians (Язык і народна ідентіта: Южнокарпатьскы Русины (New York: Columbia University Press, 2009)), потім прочітали свої посудкы опоненты: ПгДр. С. Конєчні, к. н., доц. ПгДр. П. Женюх, др. н. (посудок проф. ПгДр. О. Сіпка, ПгД. за нёго прочітала председкыня габілітачной комісії, проф. ПгДр. М. Куса, к. н.), на што мусіла реаґовати габілітантка. Четверту часть творила діскусія міджі членами учебной рады і габілітантков. У вшыткых тых частях А. Плїшкова была успішна і єдноголосна выголошена за доцентку славяньскых языків і літератур із замірянём на русиньскый язык і літеретуру. Ґратулуєме!