Новинкы • Noviny • News 13/2010

• На Словеньску – перша русиньска доцентка

  25. марца 2010 у засїдалнї деканату Філозофічной факулты Універзіты Коменьского в Братїславі одбыла ся габілітація ПгДр. Анны Плїшковой, ПгД. з Інштітуту русиньского языка і културы Пряшівской універзіты в Пряшові. Др. А. Плїшкова ся успішно габілітовала перед ученов радов той факулты і была єдноголосна выголошена за доцентку славяньскых языків і літератур із замірянём на русиньскый язык і літеретуру.

• Із засїданя СРР у Празї

  27. – 28. фебруара 2010 засїдала Світова рада Русинів у Домі народностных меншын на ул. Воцеловій 602/3 у Празї 2, з такым проґрамом:
  1. Отворїня засїданя
  2. Контроля повнїня Резолуції 10. СКР і узнесіня СРР
  3. Приправеность Дня Русинів в окремых членьскых країнах СКР
  4. Актуалный став приправы вызнамных актівіт русиньскых орґанізацій, членів СКР у 2010 роцї
  5. Прирыхтованя кампанї в окремых членьскых країнах перед списованём людей у 2011 – 2012 роках
  6. Выголошіня конкурзу на Премію Александра Духновіча за русиньску літературу за 2009 рік
  7. Писма П. Р. Маґочія до амбасады Румуньска і влады Україны
  8. Функція і повинности честного председы СРР
  9. Пропозіція на штатут архіву СКР
  10. Діскузія – Пропозіція на функцію часопису РУСИН і одношіня до СКР – Пропозіціï членів СРР
  11. Приятя узнесіня
  12. Закінчіня.

• Засїданя ведучіх орґанізацій

  20. фебруара 2010 в Бардеёві было робоче засїданя ведучіх русиньскых орґанізацій на Словеньску з такым проґрамом:
  1. Oтворїня (председа Реґіоналного клубу Русиньской оброды в Бардеёві і член Рады влады СР про народностны меншыны… Др. Іван Бандуріч)
  2. Приговор председы Русиньской оброды на Словеньску Владімира Противняка
  3. Сполочный поступ русиньскых орґанізацій Словеньска при приправі на списованя людей в році 2011
  4. Сполочный поступ русиньскых орґанізацій Словеньска в процесї далшого народного возроджіня Русинів на Словеньску
  5. Позіція зо засїданя
  6. Закінчіня
  7. Прияты рїшіня