Од 21. януара 2014 Інштітут русиньского языка і културы Пряшівской універзіты в Пряшові має нову адресу – Уліця 17. новембра ч. 15.

По реконштрукції северного крыла будовы Ректорату ПУ на ул. 17. новембра ч. 15 веджіня універзіты іщі минулого року вырїшило придїлити інштітуту – як єдному з цїлоуніверзітных центрів – новы просторы на 3. штоку. На новім містї інштітут має к діспозіції окрем штирёх канцеларій таксамо велику містность на выбудованя Бібліотекы карпаторусиністікы, яка буде єдинов такого характеру в Европі а другов – попри Торонтьскій універзітї в Канадї – на світї. Пряшівска універзіта на єй выбудованя в минулім роцї здобыла ґрант од Аґентуры МШ СР про штруктуралны фонды Европской унії, а того року зачала дану часть того 2-річного проєкту реалізовати.