Новинкы • Noviny • News 6/2014

• Нова адреса Інштітуту

  Од 21. януара 2014 Інштітут русиньского языка і културы Пряшівской універзіты в Пряшові має нову адресу – Уліця 17. новембра ч. 15.

• Незнамы рисункы М. Чабалы

  Крайскый музей у Пряшові Вас позывать на верніваж выставкы Незнамы рисункы Мыхала Чабалы, небіщіка, Русина, родака з Чабин, Міджілабірьского окресу, котрый довгы рокы жыв у Пряшові і познали їх многы з нас. Вернісаж спомянутой выставкы зачне од 16.00 год. 4. фебруара 2014. Крайскый музей ся находить на Главній ул. ч. 86. Придьте многы, котры ся інтересуєте і любите вытварне уменя, бо тоты рисункы Майстра Чабалы ся выставляють першыраз!

• Десятьрічне дїяня Общества св. Й. Крестителя

  Десять початковых років в жывотї чоловіка не є много – є то іщі все лем дїтиньскый вік. Но многы учены суть того нагляду, же праві першы рокы жывота суть про розвиваня чоловіка найголовнїшы, а што в них чоловік набуде, то наповно схоснує в далшых роках жывота.

• Оцїнїня часопису „Русиньскый світ“

  Народна премія была основана премєр-міністром Мадярщіны іщі в 1995 роцї. Тов преміов оцїнюють ся особности і інштітуції Мадярьска і споза граніцї, котры досягли найлїпшы резултаты у сполоченьскім жывотї, освітній, културній, церьковній, научній, новинарьскій і господарьскій сферах на хосен меншыновых сполочностей. Нарородна премія за рік 2013 была 16. децембра 2013 в рамках святкованя Дня народностей у будові Мадярьского народного музею передана праві сполоченьскому часопису Русинів Мадярщіны – „Русиньскый світ“.

• Православне Рождество у Кошіцях

  На завершіня праздника Рождества Ісуса Хріста у недїлю,12. януарa 2014 р. православны віруючі у Кошіцях ся зышли в просторах нового Православного катедралного храму Успенія Пресвятой Богородіцї i св. Яна Милостивого на уж традічнім рождественнім концертї.

• 25. семінар карпаторусиністікы

  Інштітут русиньского языка і културы Пряшівской універзіты в Пряшові Вас позывать на 25. научный семінар карпаторусиністікы, якый буде 12. фебруара (середа) 2014 о 11. 00 год. в засїдалнї Consilium maius (2. шток, ч. 328) Ректорату Пряшівской універзіты, ул. 17. новембра ч. 15.

• Презентація найновшых выдань

  Сполок русыньскых писателїв Словеньска, Академіа русиньской културы в СР Інштітут русиньского языка і културы Пряшівской універзіты позывають Вас на презентацію найновшых выдань красной літературы, котра ся одбуде 12. фебруара (середа) 2014 о 11.00 год. в засїдалнї Consilium maius (2. шток, ч. 328) Ректорату Пряшівской універзіты, ул. 17. новембра ч. 15.

• Program rozvoja Rusínov

  Nepoužívajme aspoň my pri príprave Programu rozvoja Rusínov názov „Program rozvoja rusínskej menšiny“...