Počasie
• • •
Internetové noviny
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Новинкы • Noviny • News 1/2010
Презентація на академії
28. і 29. децембра 2009, як каждорічно, Педаґоґічна і соціална академія у Пряшові зорґанізовала День отвореных дверей про родічів і потенціалных штудентів, котры сі послали приглашкы на тоту школу. В рамках повинных предметів быв запрезентованый і русиньскый язык, котрый сі штуденткы можуть выбрати.У храмі звучав і русиньскый спів
13. децембра 2009 у Ґрекокатолицькій церькви Божой Матери в Старій Любовнї быв 15. річник Окресной преглядкы духовной піснї. Міджі скоро десятков співацькых хорів і ґруп зо Старолюбовняньского окресу з успіхом выступили і русиньскы співацькы ґрупы з Камюнкы, Якубян і Шарішского Ястрабя, як і солістка Моніка Кандрачова.Біловежане перед Рождеством
12. децембра 2009 у Домі културы в Біловежі, Бардеёвского окресу, одбыло ся передрождественне пообідя з богатым културным проґрамом. Першу часть передрождественных акцій зачала найменша дїтвора з домашнёй матерьской школкы під веджінём директоркы Я. Піпасовой і учітелькы Семгрицовой. За нима в културнім проґрамі выступили школярї з ОШ в Біловежі на челї з директорков Ґ. Петрічовов. У рамках того дня одбыла ся і юбілейна, десята Фіґлярьска нота, в котрій выступили: Іґор Латта з Пряшова, Біловежанка, родина Шуркаловых з Бехерова, М. Тріщова з Яровніць, А. Буваліч зо Шарішского Чорного, П. Мікула, Я. Басар з Біловежі.