Новинкы • Noviny • News 15/2011

• 14. научный семінарь карпаторусиністікы

  30. марца 2011 Інштітут русиньского языка і културы Пряшівской універзіты в Пряшові в засїдалнї єй Ректорату зреалізовав уж другый тогорічный научный семінарь карпаторусиністікы (од зачатку орґанізованя проєкту, од року 2009, то быв уж 14. научный семінарь а проходив у третїм річнику), а то на актуалну в тот час тему: Політічны партії в народнім русї карпатьскых Русинів, із котров выступив ПгДр. Станїслав Конєчні, к. н. із Сполоченьсконаучного інштітуту Словеньксой академії наук у Кошіцях.

• Чабиньскый студник русиньской поезії

  24. марца 2001 Основна школа Анатолія Кралицького з навчалным языком русиньскым у Чабинах (oкрес Міджілабірцї), котра была заснована в школьскім роцї 2008/2009 і од тогды зорґанізовала много акцій, теперь першый раз приправила конкурз у декламації поезії в русиньскім языку у двох катеґоріях – Чабиньскый студник, якый мав великый успіх і буде ся в нім продовжовати і в наступнім роцї.