Новинкы • Noviny • News 2/2012

• Провокації в РОС выжадують зряджіня опозіції

  По прочітаню інформацій у Народных новинках і в інтернетовых новинках Академія русиньской културы в СР о 11-ім Сеймі Русиньской оброды на Словеньску (РОС) ся нам рисує така думка, же уж нелем сполоченьска норма думаня, але уж ай конкретна робота в РОС ся достали на косу ровину. Сповнює ся то, што єм у Народных новинках предповідав перед 8 роками. Писав єм, же РОС зо своїма «тайныма» нормами своёй екзістенції ся чім дале, тым веце замыкaть до своёй уліты, бо мусить так робити, кідь дакотры в РОС не хочуть прийти о свою «кість обжывы», а наслїдно зачінать ся тратити інтерес і підпора од своїх властных членів, із котрых ся ставають «бывшы камаратя» РОС і глядають своє сполоченьске уплатнїня в іншых русиньскых обчаньскых здружінях. Опозіція проти РОС теперь є евідентна, але розтріщена, кысне, кыпить і чекать на свій офіціалный зрод, як мітолоґічный птах Фенікс.

• Новый літературный алманах

  Кінцём децембра 2011 Сполок русиньскых писателїв выдав девятый алманах, а то Русиньскый літературный алманах на 2011-ый рік. Ёго зоставителями суть: Мґр. Александер Зозуляк, шефредактор русиньскых періодічных і неперіодічных выдань, і ПгДр. Кветослава Копорова, председкыня споминаного сполку.