11. фебруара 2010 в Лондінї зреалізовала світова аукчна сполочность Хрістіс дражбу творів повойнового і сучасного вытварного уменя. Міджі НАЙ выдраженыма творами быв і Варголїв „Dollar Sign“ (Підписаный долар), котрый із выволаваючой цїны 1,8 міліона америцькых доларів наконець быв выдраженый за суму 3.558,750 доларів без 17-перцентной продажной премії. Iнтернетовый портал „ArtDaily Newslette“ у связи з продажом того „іконічного“ поп-артового твору написав, же ёго послїднїй аукчный продаж быв у новембрі 2005 року в Ню Йорку і досяг конечну суму 1,6 міліона америцькых доларів, што є веце як 100-преоцентовый ґалерійный нарост за період пятёх років.
В маю 2007 на аукції в Ню Йорку, став ся рекорд найдорогшого проданого твору Енді Варгола, кідь полотно під назвов „Green Car Crash“ (Зелена автогаварія) было выдражене з выволаваючой цїны 25 міліонів америцькых доларів на неувірительных 71.800.000 $. Тым ся спомянутый твір А. Варгола дістав на 12. місце найдорогшых проданых образів в історії умелецького бізнісу вообще, але умелецькый світ і аукчны залы іщі лем інтерес о купованя ёго творів проґнозують.
На странї http://www.artfacts.net/en/artists/top100.html є список найпрестіжнїшых умелцїв на світї, в котрім Енді Варголови належыть 1. місце.