3. марца 2010 в Коцурї на сербскій Войводинї была інтернетова презентація Правописного словника руского (русиньского) языка. Штирирочна робота над проблемами правопису русиньского языка ближыть ся ку першому значному резултату – на полї выданя „Правописного словнїка руского язика“.
У 2006 роцї Областный секретаріат про науку і технолоґічный розвой прияв проєкт проф. др Михайла Фейсы під назвов Актуалны проблемы правопису русиньского языка і дав на то першы фінанції. Перша третина тексту „Правописного словнїка руского язика“ початком того місяця поставена на сайт Мірослава Силадїя (www.rusnak.info) з чім є дата на про шыроку публіку. Плануєме, жебы друга третина тексту была дана на сайт всерединї марца, а третя третина – до кінця марца. Рецензованя ся планує в половинї апріля а выданя того капіталного дїла у маю.
Вызываме професорів, лекторів русиньского языка і літературы, языковых редакторів русинькых медій, прекладателїв і вшыткых, котры заінтересованы, жебы “Правописни словнїк“ вышов (якнайлїпше, жебы свої припомінкы посылали на адресу главного редактора того твору: fejsam@eunet.rs

-мф-