1. апріля 2011 – то найпізнїшый термін на посланя матеріалів до конкурзу о Премію Александра Духновіча за русиньску літературу в роцї 2011. Премія в сумі тісяч доларів буде дана за нaйлїпшы творы в поезії ці в прозї писаны по русиньскы, котры были надрукованы за послїднїй 5-річный період. Премія помагать хоснованю русиньского языка в творах, котры приносять вызнамный вклад до русиньской красной літературы. Премія є фінанцована Штефаном Чепом з Торонта і выдавать ся Карпато-русиньскым научным центром у США. Книгы красной літературы, надрукованы в роках 2006 – 2010, мають право на премію в 2011 роцї.Авторам або выдавателям треба представити і предложыти 3 ексемпларї каждой книжкы з коротков біографіёв, а то найпізнїше до 1. апріля 2011. Членами комісії на посуджованя в роцї 2011 суть: Елейн Русинко (США), Марія Павловская (США), Валерiй Купка (СР).
Адреса, де треба посылати книжкы: 2 екземпларї: Professor Elaine Rusinko, Department of Modern Languages and Linguistics, UMBC, Baltimore, MD 21250, USA (e-mail: rusinko@umbc.edu), 1 екземплар: Doc. PhDr. Valerij Kupka, Važecká 12, 080 05 Prešov, Slovakia.