Počasie
• • •
Internetové noviny
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Новинкы • Noviny • News 5/2011
Studium Carpato-Ruthenorum 2011
Од 12. юна до 3. юла 2011 буде на Пряшівскій універзітї в Пряшові проходити 2. Міджінародна лїтня школа русиньского языка і културы під назвов Studium Carpato-Ruthenorum 2011.
Пряшівска універзіта в Пряшові є єдинов універзітов у Словацькій републіцї, котра реалізує навчаня акредітованого штудійного проґраму русиньскый язык і література, ґестором котрого є Інштітут русиньского языка і културы. Вдяка ёго 3-тыжденному едукачному проєкту Studium Carpato-Ruthenorum – Міджінародна лїтня школа русиньского языка і културы Пряшівска універзіта є сучасно єдинов універзітов на світї, котра зареаґовала на інтерес o таку форму навчаня русиньского языка з боку домашнїх і загранічных адептів і в сучасности рихтує другый річник того міджінародного проєкту.Русины, не забудьте на своє корїня!
Ку 21. маю 2011 на Словеньску буде списованя людей, квартелїв і домів, яке є про нас Русинів барз важне, бо од того, кілько Русинів ся офіціално пригласить к русиньскій народности, залежыть высота штатной дотації на розвой русиньской културы.Премія Александра Духновіча
1. апріля 2011 – то найпізнїшый термін на посланя матеріалів до конкурзу о Премію Александра Духновіча за русиньску літературу в роцї 2011. Премія в сумі тісяч умерицькых доларів і сошкы бронзового карпатьского медвідя буде дана за нaйлїпшы творы в поезії ці в прозї написаны по русиньскы в роках 2006 – 2010, котры мають право на премію в 2011 роцї. Авторам або выдавателям треба представити і предложыти 3 ексемпларї каждой книжкы з коротков біографіёв, а то найпізнїше до 1. апріля 2011. Членами комісії на посуджованя в роцї 2011 суть: Елейн Русинко (США), Марія Павловская (США), Валерiй Купка (СР).Хочете штудовати русиньскый язык?
28. фебруар i 31. марeц – то суть конечны терміны на поданя приглашок тых, котры хотять штудовати русиньскый язык і літературу в комбінації з іншыма предметами на трёх факултах Пряшівской універзіты (ПУ) у Пряшові.Русиньскый язык на основній школї
В януарї і фебруарї 2011 пройде запис дїтей до 1. класы основных школ про школьскый рік 2011/2012. Од школьского року 1997/1998 є можность записати свої школоповинны дїти на навчаня русиньского языка як неповинного предмету або до кружку русиньского языка, а то уж од 1. класы основной школы.