25. септембра 2009 было офіціалне выголошіня выслїдків анкеты ДОШКЫ 2009, котре ся одбыло першый день Міджінародного театралного фестівалу Театрална Нїтра в Штудію Театру Андрея Баґара в Нїтрї. Нас, Русинів тото выголошіню барз потїшыло, бо споміджі трёх номінантів за театралну сезону 2008/2009 (Мартін Губа, Юрай Кукура, Евґеній Либезнюк) Цїну за найлїпшый мужскый герецькый выкон дістав праві герець русиньского Театру Александра Духновіча в Пряшові – Евґеній Либезнюк, а то за роль Лопахіна в грї А. П. Чехова Вышнёвый сад у Театрї Андрея Баґара в Нїтрї.