Посылам припомінку к выготовлїню проґрамовых тез розвитку нашого народа. Пропоную: 1) до преамбулы тых тез бы было найвгоднїше дати текст приголошіня ОСРС к заповіту св. братів Кіріла і Мефодія, конкретно: „(ОСРС) Выходячі із вкладу св. братів Кіріла і Мефодія к формованю духовной і културной дїдовизни Европы, преамбулы Конштітуції Словацькой републікы і традічной неустанной орьєнтації Русинїв на сохранїня і розвинутя заповіту св. братів Кіріла і Мефодія, котрый є основов ідентіты Русинїв, выголошуєме, же будеме вшыткым своїм дїяльством підпоровати возродный рух русиньского народа поставленый на духовности і културї кіріломефодьской традіції.“

2) тоты тези выробити выходячі з нашых можливостей і сил: a/ доданых штатом (дотачна політіка штату, чінна леґіслатіва штату включно самосправы ...);
b/ властных можливостей (русиньскы спонзорi, русиньскы актівісты, сполупраца в рамках народностных меншостей вірных заповіту св. братів Кіріла і Мефодія...);

3) выходити із нашых пріоріт становленых:
a/ значінём єднотливых областей (акцій) про выратованя і розвиток русиньского народа;
b/ потрібностью становлїня высоты інвестіцій до єднотливых областей (акцій) про выратованя і розвиток русиньского народа.
Інакше повіджено, кідь знаме, же наприклад Русиньскый фестівал во Свіднику нас каждый рік стоїт може (?) 1000 €, і тыж єден рік навчаня русиньского языка на основных школах за помочі русиньскых актівістов нас стоїт може (?) тыж 1000 €, і може веце грошей із спонзорськых подарков нездобудемо, так нам становлїня пріоріт повість на чем зекономім - ушпорим (a/ на школах - і небудемо дїткы вчіти русиньскый язык, b/ на фестівале і непідпорімо русиньскый фолклор). Но може вырїшымо прирыхтовати сполочный кіріломефодскый фестівал во Свіднику (за участи Русинїв, Українців, Русов,Сербов, Булґар ...) і такыйто фестівал нас може (?) выйде лем на 200 €. І може навщівность буде холем двукратна і приєм із підвышеной навщівности нам тоты кошты іщі веце знижыт ...