20. мая 2013 о 17.00 год. в Домі народностных меншын на ул. Воцеловей ч. 3 у Празї буде вернісаж выставкы двох знамых вытварників рисованого гумору – Владіміра Їранка і Федора Фіца під назвов Перед і по (двадвятёх роках). Выставку зорґаніговало обчаньске здружіня Общество приятелїв Підкарпатьской Руси в сполупраці зо Словацькым інштітутом у Празї.

Перша выставка під назвом ПЕРЕД і ПО авторской пары Їранек і Віцо была уж в міцяцї януарї 2003 в Братїславі (з нагоды 10-річа денника „SME“), потїм в януарї 2007 в Словацькім інштітутї у Празї (ку 15. річніцї роздїлїня Чеськословацькой републікы), одкы ся такой пересунула до Оломовца як часть книжного ярмарку „LIBRI“. Tота росшырена колекція, котров собі припомянули 20 років од роздїлїня сполочного штату, была уж іншталована на переломі років 2012 – 2013 в Крайскімм узею у Пряшові і нато в Словацькім інштітутї в Празї од 18. фебруара 2013, а од 18. апріля до 12. мая 2013 в Моравскій Тржебовій у рамках Днів словацькой културы. На вернісаж найновшой выставкы позываме вшыткых членів Общества приятелїв Підкарпатьской Руси, (вірю, же там наісто прийде і наша юбілантка, свіжа девятьдесятнічка Клара Дубска), як і вшыткых любителїв доброго русиваного гумору.