Новинкы • Noviny • News 21/2013

• Русин Віцо з Чехом Їранком

  20. мая 2013 о 17.00 год. в Домі народностных меншын на ул. Воцеловей ч. 3 у Празї буде вернісаж выставкы двох знамых вытварників рисованого гумору – Владімїра Їранка і Федора Фіца під назвов Перед і по (двадвятёх роках). Выставку зорґаніговалп обчаньске здружіня Общество приятелїв Підкарпатьской Руси в сполупраці зо Словацькым інштітутом у Празї.

• 22. семінар карпаторусиністікы

  Інштітут русиньского языка і културы Пряшівской універзіты в Пряшові Вас позывать на 22. научный семінар карпаторусиністікы, якый буде 29. мая (середа) 2013 о 13.00 год. в засїдалнї деканкы ФПГН Пряшівской універзіты, ул. 17. новембра ч. 1 (1. шток).

• Скоро зачне лїтня школа

  Або тыж названа STUDIUM CARPATO-RUTHENORUM 2013, котру успішно орґанізує, наперек вшыткым проблемам і перешкодам, Інштітут русиньского языка і културы Пряшівской універзїты (ІРЯК ПУ) у Пряшові в днях 9. – 20. юна 2013. Тота школа є такого роду єдинов у цїлім світї (!)

• Začína nový rusínsky festival vo Svidníku

  Po mesiacoch príprav 20. mája 2013 bude slávnostne zahájený Festival rusínskej kultúry vo Svidníku. Odštartuje výstavou fotografií Jozefa Lauruského o 15.30 v Podduklianskom osvetovom stredisku vo Svidníku. Na otvorení festivalu vystúpi ženská spevácka skupina Svidníčanka. Počas celého týždňa budú prebiehať výstavy, besedy, divadelné predstavenia, premietania filmov a koncerty. Program festivalu bol dôsledne zostavený tak, aby chytil za srdce všetkých, bez ohľadu na vek či žánrové preferencie.

• Клара Дубска з Прагы – 90

  Познам ю рокы, оцїнюю єй інтеліґенцію, робітность, жывотный елан, актівность і практічность, з якыма приступать к рішїню проблемів – а же їх мусила мати в жывотї немало. Але тыж обдивлям єй щіру і глубоку віру, но притім віру не на показію. Много того о собі не наговорить, высловлює ся скорїше вчінками, як многыма словами, є на обдив праґматічна. Клара Дубска ся народила 11. апріля 1923 у русиньскім селї Збудьска Біла на Лабірщінї як пята дїтина до родины русиньского ґрекокатолицького священика Петра Бунґаніча; остатны были хлопцї. Бунґанічовы все были і суть родинов інтеліґенції, родинов освіченов.

• Подякованя

  Не дасть мі, жебы єм днесь не высловила своє велике подякованя Сполку русиньскых писателів на челї з ПгДр. Кветославов Копоровов. ПгД, і такым нашым писателям і Русинам, як є бывшый председа сполку ПгДр. Миколай Ксеняк, Мґр. Гавриіл Бескид, доц. ПгДр. Анна Плїшкова, ПгД., ПгДр. Ольґа Ґлосікова, др. н., Мґр. Александер Зозуляк і іншы, за їх моралну і фінанчну підпору моёй културно-освітнёй, писательской і дописовательской роботы з Русинами і про Русинів.

• Шкандалозна публікація

  Кінцём 2012 року была выдана 152-сторінкова публікація під назвов „Poklady ľudovej kultúry / Скарби народної культури“, зоставителём котрой є ПгДр. Мірослав Сополиґа, др. н., директор Музею україньской културы у Свіднику. Публікацію выдало обчаньске здружіня під назвов Сполочность приятелїв Музею русиньско-україньской културы у Свіднику, хоць офіціална назва музею є„україньскый“.

• К: Ідеї на рїшіня сітуації ...

  ... в русиньскім русї на Словакії
  
  Дотеперь найкомплекснїша статя „К: Ідеї на рїшіня сітуації в русиньском руху на Словакії“, котра взникла по опублікованю статї пана Івана Бандуріча в Народных новинках ч. 10 з 31. октобра 2012 ся розвинула діскузія в інтернетовых новинкaх Академія русиньской културы в СР, посмоть: (www.rusynacademy.sk ) č. 52/2012, 1/2013, 2/2013, 4/2013, 6/2013, так і діскузія в Голосох, посмоть: (http://www.holosy.sk/, і реакцій на мою мейлову адресу. Містить екскурз до історії Русинїв, поучіня з нашой історії, і в закінчіню ідеї і конкретны пропозіції про русиньскый рух.