Або тыж названа STUDIUM CARPATO-RUTHENORUM 2013, котру успішно орґанізує, наперек вшыткым проблемам і перешкодам, Інштітут русиньского языка і културы Пряшівской універзїты (ІРЯК ПУ) у Пряшові в днях 9. – 20. юна 2013. Тота школа є такого роду єдинов у цїлім світї (!)

Здобыла собі добре мено нелем на Словакії, але і за ёго граніцями, главно у тых, котры навчаня в русиньскім языку кладуть на перше місце. Зато, же школа здобыла своє реноме, так каждый рік приходять чітати лекції на ню учены зо світа і Словакії, того року то будуть: академік, проф. Др. П. Р. Маґочій із Торонтьской універзіты (Канада), проф. Др. П. Крафчік із Еврґріньской штатной універзїты (США), Мґр. Г. Малецька з Ліцея Матєя Кромёржа в Ґорліцях (Польско), академік, проф. ПгДр. М. Мушинка, др. н., із Пряшова (Словакія), Мґр. В. Падяк, к. н., з Ужгороду (Україна) і ПгДр. К. Копорова, ПгД., із Пряшова, послїдны двоє учітелї ІРЯК ПУ. Почас трёх тыжднїв участникам школы будуть чітаны лекції з русиньского языка, історії і етноґрафія, а то вшытко по русиньскы і по анґліцькы. Чекать їх і много културны акції і екскурзії по нашім реґіонї. На літаратурнім вечорї буде передана і вызнамна Премія Александра Духновіча за русиньску літературу 2013. ТАКЖЕ ТЇШЫМЕ СЯ НА БОГАТУ УЧАСТЬ І ЖЕЛАМЕ СОБІ, ЖЕБЫ АБСОЛВЕНТЫ ТОЙ ШКОЛЫ ОДХОДИЛИ ДОМІВ ІЗ МНОЖЕСТВОМ ЗНАНЬ З НАЧАНЯ У ТІЙ ШКОЛЇ.