27. нoвeмбрa 2010 ся одбыли нa цїлїм Словеньску комуналны вольбы. Дo пряшівской містьской рады (МР) были першыраз зволены і двоме актівны Русины – Пeтро Крайняк мол., підпредседа Містьской орґанізації у Пряшові Русиньской оброды на Словенську (МО РОС), котрый ся уж пару років актівно анґажує в русиньскім русї і здобыв мандат посланця за політічну партію „MOST-HÍD“. В новім 31-членнім містьскім парламентї буде як посланець заступати інтересы жытелїв Пряшова за волебный обвод ч. 5, дo котрого належать містьскы части Солівар і Швабы. Як ся высловив П. Крайняк мол., в посланецькім діятельстві не буде легковажный до проблемів Русинів у Пряшові і хоче просаджовати їх інтересы всягды там, де то буде треба і посланцї містьского парламенту будуть мати право приспіти к їх вырїшіню. За партію „SMER“ быв зволеный і Mихал Калиняк, преседа МO РOС, (кый буде заступати волебный обвод ч. 1 (Пряшів – Старе місто).