Закарпатьскый областный благочінный фонд „Русиньска школа“ має честь позвати Вас на святкованя 10-річа русиньскых недїльных школ, котре зачне 20. апріля 2013 о 11.00 год. у Домі културы Мукачова на нам. Міру 12.

Вызначныма гостями того святкованя будуть добродитель тых школ Штефан Чепа з Торонта і председа Карпаторусиньского научного центра в США і професор Торонтьской універзіты Павел Роберт Маґочі, якый ся анґажує і в Радї русиньскых недїльных школ. Дві найлїпшы учітелькы русиньского языка будуть оцїнены Плакетов св. Кіріла і Мефодія за розвиток русиньского языка. У проґрамі святкованя буде концерт, у якім выступлять русиньскы фоклорны колектівы і декламаторы. Буде і презентація новых учебників про русиньскы школы, як і выставка портретів вызначных особностей русиньской културы од Народного умелця Україны Василя Скакандія.