5. новембра 2009 в СНМ – Музею русиньской културы на ул. Масариковій 10 в Пряшові буде одборный семінарь на тему Хрістіаньскы церькви выходного обряду і формованя народной ідентічности карпатьскыцг Русинів. Орґанізатором той акції є Русиньске културно-освітне общество А. Духновіча в Пряшові у сполупраці зо споминаным музеём і Словеньсков асоціаціов русиньскых орґанізації із центром у Пряшові. В рамакх семінаря зо своїма рефератами выступлять: директор Ґрекокатольцького школьского уряду в Пряшові, ПгДр. Ґабріел Секели, ПгД. (Принос ґрекокатолицькой церькви про розвиток церьковного школства на Словакії), проф. ТгДр. Мілан Ґерка, к. н. із Православной богословской факулты Пряшівской універзіты (ПУ) у Пряшові (Церьков і націоналность), директорка Інштітуту русиньского языка і културы ПУ, ПгДр. Анна Плїшкова, ПгД. (К вопросам поужываня русиньского языка у конфесіоналній сверї на Словакії), справця фары у Чірчу, председа Общества св. Іоана Крестителя, Мґр. Ярослав Поповець (Літурґічны кньжкы про віруючіх Русинів в жывотї ґрекокатолицькой церикви на Словеньску в сучасности і перспектіва до будучности), председа Русиньского културно-освітного общества А. Духновіча в Пряшові, Мґр. Гавриіл Бескид (Вплив церькви на културный і народный жывот Русинів в минулости), директорка СНМ – Музею русиньской културы в Пряшові, ПгДр. Ольґа Ґлосікова, др. н. (Снажіня Русинів Словакії в міджівоєннім періодї років 1920 – 1938 о заложіня музею русиньской културы з цілём захраны сакралных і світовых цінностей Русинів) і іншы. Віриме, же тот семінарь приспіє ку проглублїню знань о тій темі і одгалить і менше знамы або цілком незнамы факты і реалії, котры ся тыкають той сферы історії і сучасного жывота Русинів.