1. януара 2011 зачав час актівіт перед списованём людей, котре про Русинів є барз важне, і буде 21. мая. Мы віриме, же вшыткы Русины ся приголосять Русинами і свій материньскый язык собі запишуть язык русиньскый. . При тій нагодї написала стих русиньска поетка Марія Ґірова зо Снины:
Треба памятати

Кібы ся Духновіч
з вічности пробудив,
не вірив бы очам
як ся тот світ змінив.

Може, бы го середце
найвеце болїло,
же нашых Русинів
так мало зістало.

І тоты, што были
світом ся розышли,
многы, што зістали,
родного ся вздали.

Ани тій бісїдї
бы не порозумів,
не в такім языку
своїх братів учів.

І в модернім світї
треба знати жыти,
але од родного
не треба втїкати.

Бо кідь мы свій родный
корїнь зневажыме,
у великім світї
никым не будеме,

Зато в своїм сердцї
треба памятати,
же нам жывот дала
лем русиньска мати.