17. – 18. октобра 2009 у Ґоліцях в Польску одбыв ся 17. річник Лемківской творчой осени, котрый быв присвяченый 100. рокам од народжіня Богдана Іґоря Антоніча. Акцію зорґанізовало Стоварішынь Лемків і Стоварішыня „Руська Бурса“ в Ґорліцях.
Проґрам першого дня ся зачав приходом русиньскых поетів і прозаiків із різных штатів до Ґорліць, конкретно Центра Братства ґрекокатолицькой молодежи „Сарепта“. Потім быв акт покладеня квітїв ку Памятнику Антоніча. Дале слїдовав промоцію книжкы Б. І. Антоніша Зелена Євангелія і културный проґрам про участників. Вечур было пленарне засїданя творчїв.
Другый день дообіду участници мали вільно, также могли собі попозерати Ґорліцї і вольно собі поговорити міджі собов. Пообідї была главна часть творчой осени – стріча русиньскых поетів і прозаїків із любителями лемківской/русиньской літературной творчости. День ся закінчів прекрасным културным проґрамом про вшыткых притомных, котры ся уж теперь тїшать на далшый річник Лемківской творчой осенї.