25. – 26. юла 2009 у Жаківцях, окрес Кежмарок, де были выстягованы жытелї сусїднёго русиньского села Блажів внаслїдку будованя воєньского пасма, ославлёвали 800 років села. Двойднёвый проґрам быв богатый. Окрем презентації публікації Вісемсторічны Жаківцї, быв про притомных приправленый і богатый фоклорный проґрам, в котрім выступили, наприклад, сетры Угляровы із Жаковець, цімбалова музика Андрія Кандрача ці фоклорный колектів Орябина.