4. септембра 2010 ся одбыла святочна академія, котра была в містї Дева і была завершінём святкованя 10 років од заложіня Културного общества Русинів Румунії зa участи многых вызнамных гостїв, як наприклад Екштайн Ковач Петер, секретарь презідента Румуньской републікы або Дежі Аттіла, председа жупы Мараморошской области, але і членів Світовой рады Русинів: Дюру Папуґу (председа) зo Сербії, Владиміра Противняка зo Словакії або Николы Бобинця з Україны.
В проґрамі выступило много професіоналных і аматерьскых колектівів, хорів, декламаторів домашнїх і споза граніць, котра презентовали богатство културы Русинів. Зо Словеньска выступив ФК Камяна з Міджілаборець з вельикым успіхом.
Частёв акції была і презентація інтересной публікації під назвом 10 років діятельства Културного общества Русинів Румунії у фотодокументації. Фаребны фотоґрафії в тій публікації на высше як 200 сторінках суґестівно ілуструє 10-річне богате діятельство спомянутого общества.
Желаме много успіхів у далшім діятельстві тому обществу, главно ёго закладателёви і за цілый час ёго председови, членови румуньского парламенту і Світовой рады Русинів за Русинів Румунії – Юріёви Фірцакови.