Новинкы • Noviny • News 35/2010

• Найважнїша подія 10-роча про Русинів

  21. мая 2011, а то нелем про Русинів, але і про маёрітный словеньскый народ і представителїв далшых 12 у нашій країнї узнаных народностных меншын буде списованя обывателїв, домів і бітїв у Словеньскій републіцї

• Архієрейскый одпуст у Чірчу

  28. – 29. авґуста 2010 у Чірчу (Старолюбовняньскый окрес) одбыв ся Архієрейскый одпуст Успенія Пресвятой Богородіцї. Мав богатый проґрам, в якім были святы процесії, посвячіня воды, утреня, божественны літурґії, молебенї або сповідї.

• Стріча в хорватьскых Петровцях

  21. авґуста 2010 з нагоды засїданя Світовой рады Русинів у Конкресовій комісії за освіту была і стріча з гостями з 9 країн, членів Світового конґресу Русинів у просторах Друства „Руснак“ в русиньскім селї Петровцї у Хорватії.

• Днї звыків і традіцій у Камюнцї

  24. юла 2011в Камюнцї (Старолюбовняньскый окрес) одбыли ся Днї звыків і традіцій села Камюнка в рамках цілословеньского проєкту Русиньской оброды на Словеньску – Днї русиньскых традіцій. Тота акція є ефектівнов формов пропаґації петред списованём жытельства в роції 2011 на Словеньску, бо скоро вшытко было русиньске – слово, музика, літурґія, пропаґація і модерованя

• Стріча родаків Калной Розтокы

  17. юла 2011 у Калній Розтоцї (Сниньскый окрес) была уж третя стріча родаків села. Перед културнов частёв ся одбывають шпортовы події, потім стрічу отворив староста села Ладіслав Гакулінов. Была потім і минута тиха за недавно помершов Маріёв Чокиновов з Ублї. У културнім проґрамі, окрім іншых(, выступилив Матуш Оцетник з Кленовой, потім: ФҐ Пайташе, Дуга, Кычера, Ґаштанка, дуо Василенко – Блыха, ФК Порубчанка, Гелена Ракова, ДФК Джерелца Карпат із Україны і ФК Вігорлат зо Снины.

• Першыраз выступили Комлошане

  11. юла 2011село Пчолине (Сниньскый окрес) зо старостков Зузанов Ґайдошовов зорґанізовали уж 18. річник русиньского фестівалу, на котрім ся представили фоклорны співаци, ґрупы і колектівы главно з околіцї. Але што інтересне – того року на акції выступив і ФК Павы з русиньского села Комлошка, што є в Мадярьску. Перед тым на комлошскый русиньскый фестівал завітав ФК Пчолинчанка з Пчолиного, і так зачала їх дружба.

• Фестівал під Кременцём

  11. юла 2011у русиньскім селї Новоселиця (Сниньскый окрес), котре є найвыходнїшым селом Словеньска, одбыв ся традічный Фестівал народного народного співу і танця – Фест під Кременцём. Ушыткых притомных привітав староста села Михал Рунчак. Попздрав вдістали і тоты, котры праві тот день выступили на гору Кременець. А потім ся уж зачав богатый културный проґрам, де выступили: ФК ВІГОРЛАТ зо Снины, ФСҐ БЕРЕЗНЯНКА З УКРАЇНЫ, тріо ДУКАТ із Снины ці ДУГА зо Снины.

• Габура – бомбастiчна

  10 і 11. юла 2011 у знамім і немалім русиньскім селї Габура (Міджілабірьскый окрес) ся стало центреом центром културных і шпортовых подій в рамках Днів Габуры. До села завітало веце як 2 000 людей (!), котры пришли попозерати сі реконштрукцію боїв з епохы 2. світовой войны (зо септембра 1944) в реалкізації 16 клубів воєньской нісаторії зо Словеньска, Чеська і Польска. Быв то великый зажыток. Быв ту уж і 7. Меморіал Владим іра Онуфрюка во фотбалї. А културный проґрам Габура грать, співать і думу думать“ быв мав шыроку участь: ФК Габурчанка, ФК Барвінок із Камюнкы, ФК Поляна з Орябины, ФК Карпатянин і ФК Шарішан із Пряшова, Їржіна Богдалова з Прагы, ФМ Ондрея Кандрача і мать-спіовачка, Моніка Кандрачова з Кошіць і Мужска співацька ґрупа з Габуры.