Недавно вышла красна ілустрована книжка про дїти під назвов Камюньскы приповідкы, а вышла „під крылом“ директоркы Основной і матерьской школы у Камюнцї ПаедДр. Ольґы Ґреґовой.

Камюнскы приповідкы суть выбером із рукопису Маґічны пригоды, котры написали школярї з камюньской школы в школкьскім роцї 2002/2003 під веджінём учітелїв ПгДр. Радослава Беня і Мґр. Татяны Драґошековой. Приповідкы суть написаны по словеньскы і по русиньскы, а преклад до русиньского языка зробив знамый перекладатель церьковных текстів, містный священик о. ТгЛіц. Франтїшек Крайняк. Книжка вышла з фінанчнов підпоров Уряду влады СР у рамках проґраму Култура народностных меншын 2013.