Фолклорна ґрупа Яворина з Торісок належыть міджі найлїпшы русиньскы умелецькы колектівы, а є хосенне то, же заховавать і дале розвивать свій русиньскый фолклор ай боком од главной области, де на Словеньску жыють Русины. Треба оцїнити, же то робить на Спішу і уж 35 років.

У єй репертоарї суть главно конкретны пасма зо святочных подій, як наприклад Русаля, Святый вечур, Фашенкы, Хрестины ці Прядкы. Є добре, же выступать нелем на жыво, але же свої співы награла і на компактны діскы, также тым може овелё шырше презентовати себе, але і Русинів зо Спіша.