Новинкы • Noviny • News 12/2009

• День отвореных дверей на Пряшівскій універзітї

  11. і 14. септембра 2009 у Высокошкольскім ареалї Пряшівской універзіты в Пряшові быв 2. річник Дня отвореных дверей – презентації културы Русинів у вшыткых областях їх културно-сполоченьского жывота, котрый орґанізує Інштітут русиньского языка і културы той універзіты.

• Премєра філму о Осаднім – у Снинї і Пряшові

  8. і 9. септембра 2009 у Снинї і Пряшові были премєры філму Осадне, котрый на 44. річнику Міджінародного філмового фестівалу в Карловых Варах у Чехії здобыв Цїну за найлїпшый документарный філм над 30 мінут.

• Семінарь о А. Бачіньскім у Мішколцу

  28. – 29. авґуста 2009 у Мішколцу быв научный семінарь на тему Андрій Бачіньскый (1732 – 1809) – найвызнамнїшый мукачовскый русиньскый ґрекокатолицькый єпіскоп.

• Высвячіня нового престола в Осаднім

  23. авґуста 2009 Высокопреосвященый Ян, архієпіскоп пряшівскый высвятив новый престол у Православній церькви Вознесїня Господнёго в Осаднім, окрес Снина.