Počasie
• • •
Internetové noviny
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Новинкы • Noviny • News 15/2010
Про кого мать взникнути нова партія?
10. апріля 2010 до готела Сенатор в Пряшові ініціатівна ґрупа на челї з Інж. Яном Ліпіньскым, ПгДр. Александром Дулебом, к. н. і доц. МУДр. Михалом Штенём, к. н., скликали громаду, на котрій бы было прияте рїшіня о заложіню партії під назвов НАШ КРАЙ. На громадї взяли участь главно члены Русиньской оброды на Словеньску і Союзу Русинів-Українців Словеньска на челї з ёго председом Інж. Яном Соколом.Oцїнили і о. Франтїшка Крайняка
8. апріля 2010 дістало ся нам до рук 77. чісло часопису Русинів у Мадярьску – Русинськый світ, у якім сьме ся дочітали, же 6. фебруара 2010 Вседержавна русиньска меншынова самосправа і Общество русиньской інтеліґенції зорґанізовали святкованя памяткы Антонія Годинкы у Будапештї. На тім святкованю было, окрем іншого, і оцїнёваня знамых особностей за їх заслужне діятельство памятныма плакетами і діпломами А. Годинкы. Лавреатом за рік 2010 ся став тыж о. Франтїшек Крайняк із Камюнкы, окрес Стара Любовня на Словакії.Сімдесятка актівной русиньской співачкы
30. марца 2010 ославила сімдесят років од свого народжіня все іщі молода і актівна популарна співачка русиньскых народных співанок – Марія Мачошкова, котра доднесь світить на співацькім небі Русинів і Словеньска вообще. Бо ту не йде лем о спів, але і о зъяв, артістічне уменя співачкы, о єй природность на сценї, якы покорять каждого. Дарьмо є. І днесь, по высше пятдесятёх роках на сценї можеме повісти: Мачошкова є Мачошкова!