Новинкы • Noviny • News 18/2009

• Нoвы інтересны книжкы Русинів

  В октобрі 2009 вышли три книжкы русиньскых авторів, єдна по словенськы а дві по русиньскы. Іде о тоты книжкы: „Daniel v jame levov... alebo Neskartované pamäti národa“ о. Ф. Крайняка, „100 вызнамных Русинів очами сучасників“, ІІ. часть“ М. Малицовской і кол. і „Нагода або судьба“ Ш. Смолея.

• Пятый семінарь карпаторусиністікы

  21. октобра 2009 на Пряшівскій універзітї в Пряшові ся одбыв пятый научный семінарь карпаторусиністікы. а тот раз гóстём Інштітуту русиньского языка і културы Пряшівской універзіты в Пряшові быв професор Віденьской універзіты, Інштітуту славістікы, Міхаел Мозер, в славістічных кругах в сучасности знамый як україніста. Выступив на тему Граматика руського языка Івана Панькевича.

• Голос Русинів стариньской долины

  18. октобра 2009 року в Снинї На основі проєкту МК СР ся одбыла сполоченьско-култрурна акція з назвов „Голос Русинів стариньской долины“. Акцію орґанізовало Русиньске културно-освітнє общество А. Духновіча у Пряшові вєдно зо своёв окреснов побочков, як і з Містьскым урядом – одбором школства, културы і шпорту в Снинї. Акція ся зреалізовала в просторах Дому културы – в ёго сполоченьскій салї в Снинї.