Новинкы • Noviny • News 20/2011

• Списованя людей 2011 – Ш. Ладижіньскый:

  „При списованю людей ... кажде „Русин“ у рубруцї „народность“ і кажде „русиньска“ в рубрицї „материньскый язык“ буде доказом, же пропали стары декреты і ВЫ ЗРОБИЛИ ВШЫТКО ПРО ПОКІЙ ВЛАСТНОГО СЕРДЦЯ І РАДОСТЬ РУСИНЬСКОГО ДУХА!“

• Списованя людей 2011 – Ф. Крайняк:

  „Як помочі русиньскому руху, русиньскому народу? ТАК, ЖЕ ПРИ СПИСОВАНЮ ЛЮДЕЙ СЯ БУДЕТЕ ГОЛОСИТИ КУ РУСИНАМ ... Велике чісло буде про нас Русинів найвекшый арґумент, же маме право на розвиваня своёй културы, свойой ідентічности. Тото саме платить о церьковнім жывотї.“

• Списованя людей 2011 – Дж. Ріґетті:

  „Ідентіфіковати ся як Русин при списованю людей є вырїшалным нелем про Словеньско, АЛЕ І ПРО ВШЫТКЫХ РУСИНІВ, БО ТАК МОЖЕМЕ ЗДОБЫТИ ОБРАЗ О РУСИНАХ НА ЦЇЛІМ СВІТЇ.“

• Списованя людей 2011 – Ю. Штенё:

  „Материньскый язык ся не дасть забыти, бо сьме го діставали вєдно з материньскым молоком ... Народность не зміниме, так як не зміниме своїх родічів, хоць бы сьме што о собі написали. ЗАТО БЫ СЬМЕ ПРИ СПИСОВАНЮ ЛЮДЕЙ НЕ МАЛИ МАТИ ПРОБЛЕМ ПРИ ВЫПОВНЁВАНЮ РУБРІК „МАТЕРИНЬСКЫЙ ЯЗЫК“ І „НАРОДНОСТЬ“.“

• Списованя людей 2011 – М. Гудак:

  „Я николи не таю, же єм русиньской народности. Наспак, не мам проблем тот факт всягды презентовати ... Нам Русинам і потомкам Русинів ... не може быти легковажне, же наш русиньскый народ – єден із найстаршых автохтонных народів у сердцю Европы – ся поступно асімілує і заникать. МЫ ТО, ПРЕДСІ, НЕ ХОЧЕМЕ І НЕ ДОВОЛИМЕ ТО!“

• Списованя людей 2011 – П. Солей:

  „Мы ... сьме позваны перейти по мостї земского жывота і охабити у нім свій слїд. ДАТА В РОДНІМ ЛИСТЇ СУТЬ ОЗНАЧІНЁМ, КОТРЕ СКРАШЛЮЄ ДАР ЖЫВОТА І ТРЕБА ЗА НЁГО БЫТИ ВДЯЧНЫМ. Так, як за нёго были вдячны многы Русины в історії, з выслїдків роботы контрых черпать людство доднесь.“

• Громада Общества св. Йоана Крестиля

  14. мая 2011 у Театрї Александра Духновіча в Пряшові одбыла ся перша такого роду громадна стрїча членів Общества св. Йоана Крестителя.

• На Українї презентовали енціклопедію

  11. мая 2011 в Закарпатьскій областній універзалній научній бібліотецї одбыла ся презентація новой україноязычной „Енциклопедії історії та культури карпатських Русинів“ (2010). Toго самого дня головный автор і одповідный редактор выданя Павло Роберт Магочій (на фотцї злїва), выдаватель україньской верзії книги Валерій Падяк, спонзор выданя Стівен Чепа стрітили ся з председом Закарпатьской обласной рады Іваном Балогом, председом Закарпатсьской областной адміністрації Олександром Ледидом і ёго першым заступцём Іваном Бушком.

• Голос Русинів сниньской долины

  7. мая 2011 у кіносалї Дому културы у Снинї силно прозвучав Голос Русинів сниньской долины, културно-сполоченьска акція ку списованю людей, орґанізатором котрой была політічна партії Наш край у сполупрацї зо Здружінем выселенцїв зо стариньской долины у Снинї.