Новинкы • Noviny • News 26/2011

• Інтересна выставка і бесїда

  21. юна 2011 у СНМ – Музею русиньской културы в Пряшові была отворена выставка під назвов За море з підназвов Карпатьскы Русины в Америцї. Вєдно з музеём ю приправили Общество карпатьскых Русинів у Северній Америцї за щедрой підпоры О. і К. Мігеліовых і Фонду на памятку Г. Баняс Сеніч. Другов частёв акції была бісїда з председом Карпаторусиньского общества у США Джоном Ріґетіём. Ёго выступ перекладав С. Гиряк а вшыткых участників привітала директорка музею О. Ґлосикова.

• Конґресам Русинів хыбує ціленость

  16. – 18. юна 2011 на 11. засїданя Світового конґресу Русинів до словеньского села Млинкі (Пілішсенткерест) в Мадярску при Будапештї ня выслала Словеньска асоціація русиньскых орґанізацій (САРО) із центром у Пряшові.
  В приправі на тот Конґрес мі, як высланцови даной орґанізації, было повіджено, же мам ся ухаджати о місце члена Світовой рады Русинів за Словеньско, бо подля втогдышнїх догод Словеньско не мать у СРР представителя з правом голосованя, бо председа Русиньской оброды на Словеньску (РОС) Владимір Противняк в СРР є у функції выконного секретаря а тот не мать право голосовати. Друге посланя было обгаїти, жебы нас (САРО) Русиньска оброда не вытиснула з далшой участи в СКР із тым, же Словеньско дале на СКР буде заступовати уж лем Русиньска оброда, як то было даколи. З такым посланём єм быв согласный.
  Выразили сьме скоро рано в четверь з Пряшова в зложіню: Марта Сушкова, Гавриіл Бескид, Петро Крайняк ст., і Ян Калиняк.

• Громада Общества св. Йоана Крестиля

  14. мая 2011 у Театрї Александра Духновіча в Пряшові одбыла ся громадна стрїча членів Общества св. Йоана Крестителя.

• Заслужна робота Общества

  (Выступ на громадї Общества св. Йоана Крестителя 14. мая 2011.)
  Поздравую вшыткых участників днешнёй громады: членів, сімпатізантів і веджіня Общества св. Йоана Крестителя і сучасно хочу высоко оцїнити дїятельство тых найактівнїшых, котры главно по „нїжній револуції“ розвивають хосенне про Русинів дїятельство.