1. апріль є днём фіґлярїв і фіґлїв, также не чудо, же сімболічно в тот день отець выставкы, пряшівскый карікатіріста-Русин – Федор Віцо орґанізує конкурз і все тогды отворїня выставкы кресленого гумору на тему Пиво під назвов Золода бочка. В тім роцї вырїшыв выставити выбір із робот з 20. річника міджінародного конкурзу – Золота бочка 2014. Вернісаж выставкы буде у день фіґілярїв од 14.00 год. у просторах Шарішской ґалерії у Пряшові на ул. Главній ч. 51. Перед тым, конкретно од 13.00 год., пройде в ґалерії прес-конференція за участи орґанізаторів, притомных оцїненых авторїв і новинарїв.