Од 15. юна до 5. юла 2014 на Пряшівскій універзітї у Пряшові (Словакія) одбуде ся 5. річник Міджінародной лїтнёй школы русиньского языка і културы – Studium Carpato-Ruthenorum 2014. Почас лїтнёй школы, окрем навчаня русиньского языка, історії і етноґрафії у русиньскім і анґліцькім языку, пройде много доповнюючіх акцій. Єднов iз них буде участь на 60. Фестівалї културы Русинів у Свіднику, котров ся зачне лїтня школa у недїлю 15. 6. 2014. А в понеділок 16. 6. 2014 зачне уж навчаня, а то лекціёв русиньской історії по анґліцькы проф. Др. Павла Роберта Маґочія з Торонта а по русиньскы Мґр. Валерія Падяка, к. н. із Ужгороду.