Дня 18. марца 2014 ся одбыв в Основнїй школї з русиньскым навчалным языком в Чабинах конкурз під назвов Чабиньскый студник. Ішло о конкурз в декламованю творів нашых русиньскых писателїв. Тот конкурз ся став у нашій школї традіціов а того року уж ішло о четвертый річник.

Участны были школярї нашой школы, котры ся на нёго честно приправлёвали. Выступы нашых школярїв были роздїлены до трёх катеґорій а оцїнёвала їх порота, до котрой належали: Мґр. Марек Ґай, Мґр. Яна Шковранова а Любіца Ґайдошова. В першій катеґорії были оцїнёваны школярї першой і другой класы, в другій катеґорї школярї третёй класы а в третїй катеґорії школярї четвертой класы. 1. катеґорія: 1. місце: Терезія Панчакова, 2. місце: Вероніка Сірикова, 3. місце: Самуел Костілник, 2. катеґірія: 1. місце: Сара Хрипакова, 2. місце: Вероніка Ясикова, 3. місце: Маріё Коссей, 3. катеґорія: 1. місце: Вероніка Панчакова, 2. місце: Марек Ясик, 3. місце: Ёзеф Маґоч.

Декламованя віршів было доповнене танцём і співом школярїв Основной і Матерьской школы у Чабинах. На Чабиньскім студнику были участны і дакотры родічі нашых школярїв.