21. мая 2011 на цїлім Словеньску буде списованя жытельства, квартелїв і домів. А у связи з тым не зашкодить поучіти ся нам, Русинам. В Народных новинках, річик ХХ, ч. 15 – 16, с. 4; ч. 17 – 18, с. 4; ч. 19, с. 4; ч. 20, с. 4; була надрукована моя статя Наше походжіня (общоруське). На інтернетї мож ї прочітати по русиньскы на адресї: www.rusynacademy.sk, по словеньскы на: http://sites.google.com/site/newsbookinfo/nasa-historia-vseruska

24. – 24 . децембра 2010 подля Ґреґоріаньского календаря а 6. – 8. януара 2011 подля Юліаньского календаря вшыткы хрістіане будуть славити рождественны свята а зато бы сьме і в нашых інтернетовых новинках хотїли календарьный рік закінчіти нетрадфічно – двома приговорами представителїв двох церьковлей, у якых є найвеце Русинів Словеньска, а то в ґрекокатолицькій і православній.

18. децембра 2010 в центрї політічной партії Наш край у Пряшові-Соліварї нa ул. Соліварьскій 70 ся одбыла стріча за округлым столом, котрой главныма ініціаторами были председкыня партії ПгДр. Люба Кралёва, ПгД. і підпредседа партії Інж. Ян Липиньскый.

15. децембра 2010 у засїдалнї Ректорату Пряшівской універзіты у Пряшові одбыв ся 12. Научный семінарь карпаторусиністікы, якый быв як послїднїй у тім роцї зорґанізованый Інштітутом русиньского языка і културы ПУ. З темов Описы або предписы в науцї: Енціклопедія історії і културы Русинів выступив історік, професор Торонтьской універзіты в Канадї Др. Павел Роберт Маґочій.

12. децембра 2010 в Домі културы в Свіднику одбыв ся 18. річник Віфлеємского вечора. Цілы тоты рокы в передріствянім часї приправлує Окресна орґанізація Русиньской оброды у Свіднику ріствяный концерт у русиньскім дусї. Сполуорґанізаторами той прекрасной акції были: Окресный освітный центер і Містьскый уряд у Свіднику.

6. дeцембра 2010 была в Народнім домі културных меншын у Празї демонштрація філму Осадне. В тот день, кідь св. Николай звыкне давати дарункы добрым дїтём, Русинам у Празї принїс дарунок із меном Федор Віцо.