У связи з діскутованов темов выголошіня суверенной Карпатьской Руси – Русинії не можу не реаґовати на слова єдного русиньского воджатая, котрый мі написав: «А што тым хочете пане Семанчіку повісти?! Же є добрї, кідь, країна, де люде жыють бідно, де не екзістує слобода слова, де ся заперають іншітуції Російской академії наук ... Намісто того, жебы пінязї были інвестованы до розвоя културы i школованости, та ся інвестують до зброїня? Чей тото Вы підпорюєте? Koму служыть тото некінчавше ся зброїня? Напевно лем воєньскым картелам на обидвох боках. Кого хотять Росіяне страшыти? Може нас на Словеньску, або іщі Абхазцїв, Чеченцїв, Українцїв, но бізовнї не НАТО. Іде о збыточне зброїня, повторюю ся, з обидвох боків ...»

Одповідь:
- од силы Росії (воєньской, політічной, економічной ...) прямо пропорціонално залежала і залежыть судьба Славян, враховано нашой русиньской судьбы;
- на тот час є сила Росії велика – може, як ниґда передтым. І так думам сі, же мож нам вєдно схосновати тоту нагоду так, жебы ся наша русиньска судьба злїпшыла;
- не ходьте на мене з паціфізмом. Тота ідеолоґія є застарїла. В сучасній добі є смішна. Не нахаплете на ню ани сільску бабку. За паціфістічніма приповідками ся все скрывать вопрос: „Сьте знодный заплатити за мір ярмом (проданём сувереніты ...)?“
- Не забывайме на аґресію анґлосаского Западу проти Славян: Лужіця, Судеты, Поморє (Руяна, Штєтін, Ґданьск, Слупск, Кошалін, Колобжеґ), Выходне Прусько. Посмоть: http://cs.wikipedia.org/wiki/V%C3%BDchodn%C3%AD_Prusko
- Глубше посмоть в статї К: Ідеї на рїшіня сітуації в русиньскім русї на Словакії (2) http://www.holosy.sk/ad-namety-na-riesenie-situacie-v-rusinskom-hnuti-na...
- Попозерайте на інтернетї час од часу на мапу воєньскых баз США і НАТО. Мапу росшырїня ЕУ. З тых мап є ясно, же Росія вже не мать де выцофати. І наперек тому вже чую вопрос: Як собі Росія доволила так близко ся приближыти к базам США і НАТО ?! Посмоть: http://www.holosy.sk/m%D1%96lan-semanch%D1%96k-18 То є – і так плано, і так плано. Oстатнёв капков ся стала шырокоспектална атака Западу проти Українї. І тота сітуація одштартовала процес зъєдинёваня руського світа. Є мі сімпатічный російскый приступ к зъєдинёваню реалізованый на Крымі. В наслїдку котрого жытельство Крыму здобыло дупловану плацу і пензію на цїлоросійскій середнїй уровнї. Републіцї Крым є додавана шырокоспектална розвоёва поміч, котрой цїлём є, жебы была максімално себестачна і в близкій перспектіві просперуюча. Кідь Америка і ЕУ так любять Україну, не мали бы зохабляти єй спонзорованя на Росію, але за прикладом Росії бы мали підняти плацу і пензію жытельству Україны на уровень США або холем на уровень ЕУ.
- На контру тіпу «цїна жывота ...» я ся вже высловив у статї Без русофілства русиньскый рух загыне! Посмоть: http://www.holosy.sk/m%D1%96lan-semanch%D1%96k-0
- і к наражкам на жывотну уровень:
* автор высше цітованых слов ани сі не усвідомує, же роздумує як продайна душа. Ним написаны слова нам дають знати, же за обіцяня высшой жывотной уровни є способный запродати кіріломефодьску заповіть, народны русиньскы інтересы (право на самобытный народный, културный розвиток ...);
* пишете про бідне жытя в Росії так, як бы мы Русины на выходній Словакії мали сьме ся з чімесь хвалити. Вы не видите тоту біду вымераючіх русиньскых сел? Вы не видите тоту еміґрацію, одказаность путовати за роботов до Братїславы,Чех і іншого заграніча?.. Істо мать выповідну цїну і «Офіціална штатістіка самовражд у СР», хто знать чом є доступна лем од року 1996 до року 2011, посмоть: http://kohn.blog.sme.sk/c/327007/Oficialne-statistiky-samovrazd-v-SR.html , де є ясный нарост чісла самовражд.
* про особы такых поглядів є тіпічне, же ся не снажать писати кодіфікованым русиньскым языком, або, може, ним писати не хотять;
* што ся тыкать порівнаня Україны і Росії. Плаца і пензія суть в Росії двараз высшы, посмоть: http://www.kp.ru/daily/26206.4/3091232/
* табліця жывотной уровнї держав світа за рік 2014 є евідентно необєктівна. Україна вчінила державный переворот і такой ся підняла ... ха – ха! http://www.numbeo.com/quality-of-life/rankings_by_country.jsp, http://gotoroad.ru/best/indexlife
* пензійне забеспечіня в Росії посмоть: http://ru.wikipedia.org/wiki/%D0%9F%D0%B5%D0%BD%D1%81%D0%B8%D0%BE%D0%BD%...
* мінімална пензія в Росії подля областей у 2014 рік попозерай: http://tvoyapensiya.ru/minimalnaya_pensiya_2014.html
Мілан СЕМАНЧІК, Тренчін