Новинкы • Noviny • News 28/2010

• Хочете штудовати русиньскый язык?

  До 13. авґуста 2010 ся може приголосити тот абсолвент середнёй школы, котрый має інтерес штудовати русиньскый язык і літературу од академічного року 2010/2011 на Пряшівскій універзітї в Пряшові, може собі іщі дати приглашку на Факулту гуманітных і природных наук ПУ.

• Кіріл і Мефодій принесли Русинам списовный язык

  5. юл у Словакії є штатным святом, коли ся святкує св. Кіріл і Мефодій, при тій нагодї приносиме інтересну статю.

• Стрїча з митрополитом

  2. юла 2010 в резіденції Пряшівского ґрекокатолицького архієпіскопского уряду в Пряшові за участи канцеларя і говорцї архієпіскопства, ТгДр. Любоміра Петрика, ПгД., прияв професора історії Торонтьской універзіты, Др. Павла Роберта Маґочія і директорку Інштітуту русиньского языка і културы Пряшівской універзіты в Пряшові, доц. ПгДр. Анну Плїшкову, ПгД., Монс. Ян Бабяк, СІ, пряшівскый архієпіскоп і митрополита.

• Літературный вечур iз несподїваным завершінём

  30. юна 2010 в салонику їдалнї высокошкольского інтернату Пряшівской універзіты быв Літературный вечур як єдна з доповнюючіх акцій І. Міджінародной лїтнёй школы русиньского языка і културы (Studium Carpato-Ruthenorum, 14. 6. – 4. 7. 2010).

• Ректор ПУ прияв учітелїв лїтнёй школы

  29. юна 2010 ректор Пряшівской універзіты, проф. РНДр. Рене Матловіч, ПгД., прияв учітелїв 1. Міджінародной лїтнёй школы русиньского языка і културы Studium Carpato-Ruthenorum 2010. З професором Др. Павлом Робертом Маґочіём (Канада), Валеріём Падяком, к. н. (Україна) і доц. ПгДр. Аннов Плїшковов, ПгД. (Інштітут русиньского языка і културы ПУ) діскутовали о уровни реалізації тройтыжднёвого проєкту лїтнёй школы, о можностях навчаня русиньского языка на Пряшівскій універзітї про штудентів з Україны i о перспектівній сполупраці Пряшівской і Торонтьской універзіт.

• Третїй тыждень лїтнёй школы ...

  ...русиньского языка і културы. Од 28. юна до 4. юла 2010 прошов послїднїй тыждень лїтнёй школы русиньского языка і културы. На самый перед треба повісти, же лекції з обидвох предметів (русиньскый язык і історія Русинів) проходили надале реґуларно, подля проґраму. Штуденты проявили нечекану заінтересованость о тоты предметы і ініціатівный приступ к навчаню. Окрем навчаня, про 27 штудентів на тот тыждень тыж быв приправеный і іншый богатый проґрам, жебы здобыли много новых знань і зажытків.