Честованы русиньскы діятелї, сітуація на Українї дозрiла до того, же не мож довше чекати. Теперь пришов час на векшу політічну актівность. На самый перед зато, же влада той державы перестала решпектовати законы, котры дотуляють ся меншыновых прав на самоідентіфікацію, язык і културу.

I хоць міністер загранічных справ Польщі Радек Сiкорскi вызывать україньску владу на їх решпектованя, они на то не беруть увагу. І кідь, з iншого боку, як шансу в утриманю інтеґрації державы видять покликаня на жывот у федерації, як повiла Елена Бондаренко, народна посланкыня Україны, «Україна уже стоїть перед роспадом. Федералізація є можливостёв сохранити то, што ся мусить сохранити». В тім віджу нашу, русиньску, шансу.

Зато кличу вшыткых русиньскых діятелів зо Світовой рады Русинів, Світовой рады підкарпатьскых Русинів i Округлого стола Русинів Словеньска до скликаня і зорґанізованя – Міморядного конґерсу вшыткых русиньскых організацій – жебы сьме рїшали о нашій будучности на Карпатьскій Руси. Як місце, де мож провести такый міморядный конґрес вказую сімболічне, а днесь місце сполоченьского і културного жывота Русинів – Руській дім в Пряшoвi – в днях 8. – 9. 3. 2014. Мусиме ся понагляти!
Там буде мож рїшати о політічнім проґрамі Русинів на Підкарпатю i в іншых русиньскых землях, дати леґiтіміту вшыткым русиньскым орґанізаціям і русиньскым політічным діятелям на Підкарпатю. Таку шансу дає нам кавза Крыму, котрый iде на сторону федерації.

Знам, же моє перше писмо выкликало велё оголосів. Мам надію, же і теперь так буде і найважнїшы русиньскы діятелї позітівно поставлять ся ку тій пропозіції і єй підтримуть. Підоймуть вопрос рїшаня о нашій сполочній будучности.